मुख्य संपादक विनायक पाटील
चोपडा पोलीस उपविभागाला आज नवे उपविभागीय अधिकारी मिळणार आहेत. खंडाळा पोलीस प्रशिक्षण केंद्रावर कार्यरत असले सुनील रामराव पाटील आज चोपडा येथे पोलीस उपविभागीय अधिकारी डीवायएसपी पदाचा कार्यभार स्वीकारणार आहेत.
गेल्या काही वर्षांपासून चोपडा उपविभागात सेवा बजावणारे पोलीस उपविभागीय अधिकारी अण्णासाहेब घोलप हे सेवानिवृत्त झाले आहेत. त्यांच्या जागी सुनील पाटील यांची नियुक्ती करण्यात आली आहे. घोलप साहेब यांच्या कार्यकाळात कायद्याची अंमलबजावणी, कायदा व सुव्यवस्था राखण्याच्या कामाबद्दल पोलीस दल व नागरिकांकडून त्यांचे मोठे कौतुक होत आहे.
*खंडाळाहून चोपड्यात बदली*
खंडाळा पोलीस प्रशिक्षण केंद्रावरून बदली होऊन आले सुनील रामराव पाटील हे आज अधिकृतपणे चोपडा येथे डीवायएसपी पदाचा पदभार स्वीकारतील. पदभार स्वीकारल्यानंतर ते उपविभागातील कायदा व सुव्यवस्था, गुन्हे नियंत्रण आणि जनसंपर्क यावर भर देणार असल्याची माहिती आहे.
नव्या अधिकाऱ्यांच्या नियुक्तीमुळे चोपडा उपविभागातील पोलिसांची कार्यक्षमता अधिक वाढेल, अशी अपेक्षा नागरिक व पोलीस कर्मचारी व्यक्त करत आहेत.
मुख्य संपादक : विनायक पाटील
