मुख्य संपादक विनायक पाटील
यावल तालुक्यातील वनोली येथिल शेत शिवारात मोरांची शिकार करणाऱ्या दोन शिकाऱ्यांना बंदुकीसह रंगेहाथ पकडण्यात येथील जागरूक शेतकरी आणि पोलीस पाटील यांना यश आले आहे. त्यांच्या या धाडसी कामगिरीमुळे सर्वत्र त्यांचे कौतुक होत आहे.ही घटना रात्री नऊ वाजता घडली. शेतातून बंदुकीच्या गोळीच्या आवाज ऐकू आल्याने वनोली गावातील पोलीस पाटील भरत पाटील यांनी तात्काळ शेत शिवारात धाव घेतली. आवाजाच्या दिशेने जात असताना त्यांनी वन विभागाला या घटनेची माहिती दिली. वन विभागाचे अधिकारीही तात्काळ घटनास्थळी दाखल झाले.गोळीबाराच्या आवाजाच्या दिशेने जात असताना, पोलीस पाटील, वन कर्मचारी आणि गावातील शेतकऱ्यांनी तीन तास केळीच्या बागेत बसले. त्यानंतर मोठ्या धाडसाने त्यांनी बंदुकीसह दोन शिकाऱ्यांना पकडले. त्यांच्याजवळ शिकार केलेले पाच मृत मोर आढळून आले असून, त्यांची मोटरसायकल देखिल जप्त करण्यात आली. हे दोन्ही शिकारी यावल तालुक्यातील मारुड येथील असल्याचे समजते.मोराची शिकार करणाऱ्या शिकाऱ्यांना पकडण्यासाठी पोलीस पाटील भरत पाटील यांना वन विभागाचे राऊंड ऑफिसर अतुल तायडे, वनरक्षक जीवन नागरगोजे, वनरक्षक वाघमारे यांनी सहकार्य केले. तसेच, गावातील शेतकरी बाळू पाटील, अनिल सपकाळे, भूषण पाटील, शिवाजी पाटील, रवींद्र पाटील, विशाल पाटील, धनंजय पाटील, कपिल पाटील, राहुल चौधरी आणि सोपान पाटील यांनीही मोलाची मदत केली.या उल्लेखनीय कामगिरीबद्दल वनोलीच्या पोलीस पाटील आणि शेतकऱ्यांचे सर्वत्र अभिनंदन होत आहे.
मुख्य संपादक : विनायक पाटील
