मुख्य संपादक विनायक पाटील
चोपडा शहरातील लोहिया नगर येथील रहिवासी असलेला योगेश सुनील चौधरी (25) या युवकाने सावकारीला कंटाळून आपल्या राहत्या घरी गळफास घेऊन आत्महत्या केल्याची घटना दि 25 रोजी संध्याकाळी 6 वाजेच्या सुमारास घडली आहे. मयत योगेश च्या खिश्यात चिट्टी सापडली असून पिंटू नामक व्यक्ती पैशांसाठी सतत तगादा लावत असल्याकारणाने मी आत्महत्या करत असल्याचा उल्लेख त्यात केला आहे.
मयत योगेश चौधरी हा हातमजुरी करत होता. अत्यंत हलाखीची परिस्थितीत आपला उदार निर्वाह करता होता. मयत योगेश याने पिंटू (चिट्टीत फक्त पिंटू उल्लेख )या व्यक्तीकडून दहा हजार रुपये घेतले होते. त्या पोटी त्याने दोन लाख रुपये व्याज पिंटूला दिले. तरी देखील तो पैश्यांसाठी पुन्हा पुन्हा तकदा लावत होता. त्यात त्याने मयत योगेशला धमकी देऊन मारहाण केली होती.आई-वडिलांना शिवीगाळ केली . या सर्व गोष्टीला कंटाळून आत्महत्या करत असल्याचा उल्लेख योगेश ने चिट्ठी मध्ये केला आहे. पिंटू या व्यक्तीला पोलिसांनी कडक शिक्षा करावी अशी विॅनती देखील त्याने चिट्ठीत केली आहे.योगेशचे कुटुंब अतिशय हलाखीच्या परिस्थितीत आपला उदर निर्वाह करत होता.त्याच्या पश्चात आई-वडील,भाऊ असा परिवार असून ते देखील मोलमजुरी करत असल्याचे नातेवाईकांनी सांगितले.यापूर्वीही सावकारीला कंटाळून आत्महत्या केल्याच्या घटना चोपड्यात घडल्या असून यावर कठोर कारवाईची मागणी होत आहे.
***मयत योगेशचे पोलिसांना आवाहन ***
पिंटू हा व्यक्ती नेहमी पैशांसाठी तगादा लावत होता, मला मारले होते व आई-वडिलांना शिवीगाळ करत होता. यामुळे मी आत्महत्या करत आहे. तेव्हा पोलिसांनी पिंटू या व्यक्तीला कडक शिक्षा करावी अशी विनंती त्याच्या खिश्यात सापडलेल्या चिट्टीत केली आहे.
मुख्य संपादक : विनायक पाटील
