मुख्य संपादक विनायक पाटील
सांस्कृतिक मंत्रालय व भारतीय साहित्य अकादमी यांच्या संयुक्त विद्यमाने पटना (बिहार) येथे २५ ते २८ सप्टेंबर या कालावधीत होत असलेल्या ‘उन्मेष’ या आंतरराष्ट्रीय साहित्य संमेलनात शिरपूर तालुक्यातील महादेव दोंडवाडा येथील आदिवासी कवी,लेखक भिमराज पावरा यांची निवड झाली आहे.
सदर साहित्य संमेलनात देश-विदेशातील तसेच राज्य व आदिवासी क्षेत्रातील,कवी, लेखक,संशोधक,समिक्षक, साहित्यीक तसेच विविध बोली भाषेतील कवी,लेखक असे ६०० हून अधिक साहित्यिक मंडळींचा मेळावा भरणार आहे. ते त्यांच्या मातृभाषेचे प्रतिनिधित्व करतील. त्यातच सातपुड्यातील आदिवासी डोंगरी भागातील कवी,लेखक भिमराज होजाऱ्या पावरा यांना सातपुड्यात बोलली जाणारी पावरा बोली भाषातून प्रतिनिधित्व करावयाचे आहे. कवी भिमराज यांनी आदिवासी समाजाच्या सांस्कृतिक जीवनाला दर्शवणारे काव्यसंग्रह प्रसिद्ध केले आहेत.”आदिवासी पावरा संस्कृतीन जीवणो”, मराठी,हिंदी भाषेत साहित्य, तसेच “वातरा – आदिवासी पावरा संस्कृतींमधील लोक कथासंग्रह, खुडेन वेलाविखा,असे त्यांचे साहित्य प्रकाशित आहे.
सध्या ते अनुदानित आदिवासी आश्रमशाळा सनपुले ता.चोपडा जि.जळगाव येथे प्राथमिक शिक्षक म्हणून कार्यरत आहेत.आदिवासींचा सांस्कृतिक इतिहास व जीवन प्रवाहातील प्रश्न साहित्यात त्यांनी आणले आहेत.त्यांच्या या निवडीबद्दल संस्थेचे पदाधिकारी मुख्याध्यापक,शिक्षक- शिक्षकेतर कर्मचारी यांनी अभिनंदन केले आहे.
मुख्य संपादक : विनायक पाटील
