मुख्य संपादक विनायक पाटील
चोपडा तालुक्यातील निमगव्हाण परिसरात तापी नदीच्या पात्रात एका अनोळखी पुरुषाचा मृतदेह मिळून आल्याने परिसरात खळबळ उडाली आहे. चोपडा ग्रामीण पोलीस स्टेशनमध्ये रजिस्टर क्रमांक 50/2025 प्रमाणे घटनेची नोंद करण्यात आली आहे.
दि. 16 नोव्हेंबर 2025 रोजी मिळालेल्या माहितीनुसार, वय अंदाजे 60 ते 65 वर्षे असलेला हा अनोळखी पुरुष तापी नदीच्या पात्रात कुजलेल्या अवस्थेत आढळला. मृताच्या अंगावर फक्त “jio” लेबल असलेली अंडरविअर होती, तर इतर कोणतेही कपडे मिळून आले नाहीत. त्याच्या डोक्यावर अर्धे टक्कल असून उरलेले केस पांढरे आहेत, असे प्राथमिक वर्णन करण्यात आले आहे.
सदर मृतदेहाची ओळख पटविण्याचे प्रयत्न चोपडा ग्रामीण पोलीस स्टेशनचे पोलीस निरीक्षक यांच्या मार्गदर्शनाखाली पोहेकॉ श्रीकांत पुरुषोत्तम गांगुर्डे करीत आहेत. कोणाला या व्यक्तीबाबत माहिती असल्यास चोपडा ग्रामीण पोलीस स्टेशनच्या 02586-222101 या क्रमांकावर किंवा पोहेकॉ श्रीकांत गांगुर्डे यांच्या 9850584594 या मोबाईल क्रमांकावर संपर्क साधण्याचे आवाहन पोलिसांनी केले आहे.
मुख्य संपादक : विनायक पाटील
