मुख्य संपादक विनायक पाटील
चोपडा: चोपडा शहरातील सीएससी केंद्रात शेतकऱ्यांचे केळी पिक नसताना पिकविमा यांचे बनावट कागदपत्र बनवून शासनाची फसवणूक करण्याचा प्रयत्न केल्याचा मामला उघडकीला आला आहे. या प्रकरणात 9 आरोपितांना गुन्हा दाखल करण्यात आला आहे
पोलीस सूत्रांनी दिलेल्या माहितीनुसार, आरोपी अमोल भास्कर पाटील, सुदर्शन वासुदेव पाटील, नितीन भागवत माली, जितेंद्र गुरुदास हिम्पी, धनशान अशोक भोई, पंकज नागेशराव सोनवणे, मनोज मुरलीधर पाटील, विनोद सुरेश जवाने आणि अविनाश विष्णू पाटील यांनी दिनांक 01/10/2025 ते दिनांक 31/10/2025 पावेतो चोपडा शहरातील तसेच चुंचाळे गावातील CSC केंद्रात शेतकऱ्यांचे केळी पिक नसताना पिकविमा यांचे बनावट कागदपत्र बनवून ती खरी आहे असे मानून तीचा वापर करून राज्य शासनाचे 13 कोटी 44 लाख 62 हजार 724 रुपये व केंद्र शासनाची 10 कोटी 18 लाख 65 हजार 700 असे एकूण 23 कोटी 63 लाख 28 हजार 424 रुपये मात्र वरील रक्कमेची शासनाची फसवणूक करण्याचा प्रयत्न केला.
या प्रकरणात पोलीस उपअधिक्षक सो आर्थीक गुन्हे शाखा जळगांव यांच्या मार्गदर्शनाखाली पोलीस निरीक्षक मधुकर साळवे चोपडा शहर पो.स्टे. यांनी गुन्हा दाखल केला आहे. सदर गुन्ह्याचा पुढील तपास पोलीस उपअधिक्षक सो आर्थीक गुन्हे शाखा जळगांव यांच्या कडेस वर्ग करण्यात आला आहे.
मुख्य संपादक : विनायक पाटील
