मुख्य संपादक विनायक पाटील
चोपडा प्रतिनिधी मौजे चहाडी येथील शेतकरी मधुकर नामदेव कोळी यांच्या शेतातील केळीच्या बागेला इलेक्ट्रिक शॉर्ट सर्किटमुळे आज आग लागून मोठे नुकसान झाले. या आगीत केळी पिकासह शेतातील संपूर्ण ठिबक सिंचनाचे साहित्य जळून खाक झाले असून शंभर टक्के नुकसान झाले आहे.
आगीची माहिती मिळताच चोपडा नगरपालिकेच्या अग्निशामक दलाच्या कर्मचाऱ्यांनी तातडीने घटनास्थळी धाव घेतली. त्याचबरोबर चहाडी सर्कल मंडळ अधिकारी, चहाडीचे तलाठी तसेच चोपडा शेतकरी सहकारी साखर कारखान्याचे माजी संचालक निलेश पाटील, हर्षल कोळी तसेच गावातील शेतमजुरांनी आग विझवण्यासाठी शर्थीचे प्रयत्न केले.
सर्वांच्या संयुक्त प्रयत्नांमुळे आग अधिक पसरू न देता आटोक्यात आणण्यात यश आले व पुढील होनारी मोठी हानी टळली. या तत्पर मदतीबद्दल शेतकरी मधुकर कोळी यांनी सर्व संबंधितांचे मनःपूर्वक आभार मानले आहेत. प्रशासनाकडून नुकसानीचा पंचनामा करण्याची प्रक्रिया सुरू करण्यात आली आहे.
मुख्य संपादक : विनायक पाटील
