मुख्य संपादक विनायक पाटील
चोपडा: तालुक्यातील तावसे बुद्रुक येथे परवा रात्रीच्या सुमारास दत्त गुरु मंदिर परिसरात बिबट्या दिसल्याने संपूर्ण गावात भीतीचे वातावरण निर्माण झाले आहे. विनोद हुकुमचंद पाटील यांच्या शेतात रात्री सुमारे 10 वाजेच्या सुमारास बिबट्या आढळून आल्याने नागरिक भयभीत झाले आहेत.
दरम्यान, आप्पा कोळी यांच्या गोठ्यातील वासराची बिबट्याने शिकार केल्याची घटना उघडकीस आली आहे. सततच्या बिबट्याच्या वावरामुळे शेतकरी व ग्रामस्थ रात्रीच्या वेळी शेतात जाण्यास घाबरत आहेत.
घटनेची माहिती वनविभागाला दिल्यानंतर त्यांनी पाहणी करून “बिबट्याला जेरबंद करण्याचा बंदोबस्त करू” असे गावकऱ्यांना सांगितले. मात्र अद्यापही वनविभागाकडून कोणतीही ठोस कारवाई झाली नसल्याने नागरिकांमध्ये नाराजी व भीतीचे वातावरण आहे.
बिबट्याला लवकरात लवकर जेरबंद करून गावकऱ्यांना दिलासा द्यावा, अशी मागणी तावसे बुद्रुक येथील नागरिकांनी वनविभागाकडे केली आहे. रात्रीच्या वेळी एकटे बाहेर पडू नये, लहान मुलांची काळजी घ्यावी, जनावरे सुरक्षित ठिकाणी बांधावीत, असे आवाहन ग्रामस्थांनी केले आहे.
मुख्य संपादक : विनायक पाटील
