मुख्य संपादक विनायक पाटील
अभियानांतर्गत सनपुले आश्रमशाळेत संविधानाबद्दल विद्यार्थ्यांमध्ये जागृती निर्माण करण्यासाठी दिनांक १४ ऑगस्ट वार गुरुवार रोजी कार्यक्रम आयोजित करण्यात आला होता. सदर कार्यक्रमाला जिल्हा परिषद प्राथमिक शाळा देवगड येथील प्राथमिक शिक्षक तथा स्पर्धा परीक्षांचे मार्गदर्शक आधार पानपाटील कार्यक्रमाचे अध्यक्ष होते.त्यांच्या हस्ते आजचे ध्वजारोहण करण्यात आले.यावेळी ताराचंद जयसिंग पाटील, सांस्कृतिक समिती प्रमुख ज्ञानेश्वर पाटील,विष्णू यशवंत कोळी,भूषण ज्ञानेश्वर पाटील, प्रवीणचंद्र लक्ष्मण केदारे, गजानन पंडित पाटील,मिलिंद तुळशीराम पाटील यांनी प्रमुख पाहुणे म्हणून उपस्थिती दिली. अध्यक्ष तसेच प्रमुख पाहुण्यांचे हस्ते डॉ.बाबासाहेब आंबेडकर यांच्या प्रतिमेला पुष्पहार अर्पण करून कार्यक्रमाची सुरुवात करण्यात आली.आठवी ते बारावी वर्गातील विद्यार्थ्यांना उद्देशून त्यांनी संविधानातील अनेक कलमांबाबत उहापोह केला.मी स्वच्छता केली तर माझा परिसर स्वच्छ राहील,माझे गाव स्वच्छ राहील आणि माझा देश स्वच्छ होईल.त्यातून आरोग्याच्या समस्या उद्भवणार नाहीत ही भावना प्रत्येक भारतीयाने अंगीकारली तर आपल्याला उत्तम नागरिक होता येईल आणि यातून राष्ट्र प्रगती साधेल. प्रत्यक्ष सीमारेषेवर जाऊनच लढले म्हणजे देशसेवा असा विचार न करता जबाबदार नागरिकाप्रमाणे आपले आचरण असावे.आपले हक्क मागण्यासाठी आपण रस्त्यावर जरूर उतरावे पण कायदा मोडेल हे चालत नाही? राष्ट्रीय प्रतीकांच्या सन्मान,पर्यावरण रक्षण,वैज्ञानिक दृष्टिकोन,पारतंत्र काळात होऊन गेलेल्या राष्ट्रीय नेत्यांबद्दल आदर बाळगून त्यांचा इतिहास स्मरणात ठेवणे ही मूल्ये संविधानातीलच आहेत.ज्यांच्या नेहमी आपण सन्मान केला पाहिजे असे मत पानपाटील यांनी व्यक्त केले.भारतीय संविधानात जसे हक्क आहेत तसे कर्तव्य देखील असल्याने त्याचेदेखील पालन आपण केले पाहिजे अशा आशयाचे मनोगत त्यांनी यावेळी व्यक्त केले.सांस्कृतिक समितीकडून कार्यक्रमाचे आयोजन करण्यात आले.मुख्याध्यापक, शिक्षक-शिक्षकेतर कर्मचारी यांनी कार्यक्रम यशस्वीतेसाठी परिश्रम घेतले.गजानन पाटील यांनी सूत्रसंचालन केले तर भूषण पाटील यांनी आभार व्यक्त केले.
मुख्य संपादक : विनायक पाटील
