मुख्य संपादक विनायक पाटील
चोपड्यात शिरपूर तालुक्यातील एका गावातील सतरा वर्षीय अल्पवयीन मुलीवर चोपडा येथे दोन वर्षांपासून लैंगिक अत्याचार होत असल्याचे उघडकीस आले आहे . पीडित मुलीचे पोटदुखीमुळे दवाखान्यात उपचारासाठी दाखल केल्यावर ती गरोदर असल्याची माहिती समोर आल्यानंतर पीडितेच्या तक्रारीवरून चोपडा शहर पोलीसात गुन्हा नोंदविण्यात आला असून आरोपीस ताब्यात घेण्यात आले आहे.
पोलीस सुत्रांकडून प्राप्त माहितीनुसार शिरपूर तालुक्यातील एक अल्पवयीन मुलगी चोपडा येथे बारावीच्या वर्गात शिक्षण घेत आहे. त्या अल्पव्यीन मुलीवर अविनाश वेस्ता पावरा याने जानेवारी २०२३ मध्ये चोपडा शहरातील शिरपुर रोडवरील एका हॉस्पिटलच्या मागे राहत असलेल्या पीडितेच्या मैत्रिणीच्या रुमवर चार वेळेस तसेच २६जून २०२५ रोजी सकाळी ११वा च्या सुमारास शिरपुर रोडालगत असलेल्या हरेश्वर मंदिराच्या पाठीमागे झाडा झुडपां मध्ये पीडितेवर अत्याचार केल्याचे पिडीतेचे म्हणणे आहे.
या घटनेविषयी गृहपाल लता सरडे यांना विचारणा केली असता त्यांनी टाळाटाळ करीत कुठलीच माहिती दिली नाही.यामुळे घटनेची नेमकी जबाबदारी कोणावर आहे असे विचारणा केली असता या विषयी बोलायचे त्यांनी टाळले.त्यांनी यावर सांगितले की आमचे वरिष्ठ बोलतील.याघटनेबाबत बराच कालावधी होऊनही कोणीच वरिष्ठ अधिकारी न पोहचल्याने सर्वत्र नाराजी व्यक्त केली जात आहे . याप्रकरणी पिडीतेच्या तक्रारीवरून संशयित अविनाश वेस्ता पावरा रा.अंमलवाडी पोस्ट उमर्टी ता चोपडा जि जळगाव यांचे विरुद्ध चोपडा शहर पोलीस ठाण्यात सिसिएनटीएस २०२५ भारतीय न्याय संहिता कलम ६४,६५(१) सह बालकांचे लैंगीक अत्याचारापासुन संरक्षण कायदा कलम सन २०१२ चे कलम ४,५(१)(२),६ प्रमाणे गुन्हा दाखल करण्यात आला आहे. तपास पोलीस निरीक्षक मधुकर साळवे यांच्या मार्गदर्शनाखाली पोलीस उपनिरीक्षक चेतन परदेशी हे करीत आहेत.
मुख्य संपादक : विनायक पाटील
